Monday, February 28, 2011

Хүрээний анхны телефон Богдын ордонд хангинажээ


Одоогоос 97 жилийн тэртээ Хүрээний анхны телефон утас Богдын ордонд хангинажээ. 1914 онд Богд хаант Монгол улсын төр засгийн дээд хэмжээний төлөөлөгчид Орос улсад анх удаа ажлын айлчлал хийх үедээ Оросын талд хүсэлт тавьж нийслэл хүрээнд хоёр ширхэг телефон аппарат авчруулан нэгийг нь Богдын ордонд нөгөөг нь Гадаад яамны сайд Чин ван Ханддоржийн өргөөнд тавиулжээ. Харин Сайн ноён хан Намнансүрэн нөр их ажлынхаа дундуур цаг зав гаргаж “Телефон холбоог хэрэглэх журам” гэх ашиглалтын зааврыг монгол, орос хэл дээр найруулан бичиж батлан гаргаж байсан баримт бий. Айлчлалын үеэр Петербург хотын телефон станцыг үзэхээсээ өмнө Сайн ноён хан маань телефон утас гээчийг дуулаа ч үгүй явжээ. Хүрээний телефон хэрэглэгчдийн тоо аажмаар нэмэгдэж 1921 онд 24 болсон бол тухайн жил нь ардын хувьсгал ялж улс орон даяар засаг захиргаа тогтон улсын дотоод дахь бүх ажил идэвхижсэний дүнд 1923 онд 100 хэрэглэгчтэй МБ-100 станцыг суурилуулсан байна. Нийслэл хүрээний телефон холбооны хэрэгцээ цаашид улам түргэн өсөж Ардын засгийн газрын шийдвэрээр 1927 онд телефон станцыг шинэ байранд 300 хэрэглэгчтэй байгуулж дээрх станцаас гурвыг суурилуулжээ. Хүрээний анхны бага сургууль байрлаж байсан түүхт байранд Цахилгаан мэдээний шугам эрхлэх газрыг оруулж байсан нь Спортын төв ордон сүндэрлэн боссон тэр газар юм.

5 comments:

Chandmani said...

...мэдмээр юм байна... баярлалаа.

Segsger said...

Chandmanidaa bayarlaa

www.ulemj.com said...

Байна уу Хаантаан Таны лагшин тунгалаг уу? Мэндээ. Энэ муу коммунистууд ингээд байна тэгээд байна гээд л хаантанд айлтгал хүргэж байсан байх нь мөн үү ккк

Сэгсгэр said...

Ulemj: hahaha, haan gantsaaraa utastai bsiim bishuu. Utas n duugarahgui onigootood bhaar n gadaad dotood 2 yamandaa neg negiig avch ugsun bh te

puuj said...

Bicheed l baina uu busgui mini.Shulguud chini ih sain bolson bailee bayar hurgey.Naiz ni nutgiin ahiin chini tuhai jijighen ym bichsen.Minii blog deer baigaa shuu