Friday, October 5, 2012

Саруул-Эрдэнэ



Саруул багш маань 2009 оны зун эх орондоо ирж амрах үеэр бид хоёр хамтран “Эх хэлний эрэлд” хэмээх цуврал нэвтрүүлгийг “Монгол” телевизэд хийж өгсөн юм. Нэг орой хоёулаа хууч хөөрөн ганц нэг шар айраг шимэнгээ хэл шинжлэлийн судлагдахууны нэг төсөөт үг нь монгол яруу найрагт элбэг байдаг тухайд ярьж билээ. Орой нь хариад төсөөт үгсийг нийлүүлэн Саруул багшийнхаа нэрээр шүлэг бичсэн сэн. МУБИС-ийн Монгол судлалын сургуулийн багш Мягмарын Саруул-Эрдэнэ одоо АНУ-гийн Индианагийн их сургуулийн Төв европ судлалын тэнхимд судалгааны ажил хийж байгаа. Хэл шинжлэлийн ухааны доктор тэрээр Вашингтон хот орчмын монголчуудын холбооны удирдах зөвлөл, “Цахим өртөө” төрийн бус байгууллагын удирдах зөвлөл, Индианагийн их сургуулийн дэргэдэх “Монгол” нийгэмлэгийн захирлуудын зөвлөл болон Америкийн Монгол судлалын төвийн захирлуудын зөвлөлийн гишүүн юм. Мөн тэрээр гадаад дахь  монголчуудын www.dayarmongol.com сайтыг эрхэлдэг.  Саруул багшийн үг бүхнээс монгол ханхалдагт би баярладаг...

Санагдах алс, оногдох ойр, дүүжин гүүр шиг сэтгэл минь
Салхин зүгт, альхан цагт, даажин зүүд шиг мартагдах бол?
Амьсгалын хэмнэл, аньсаганы нэрмэл, амьдралын амттай итгэл минь
Амьсаад дурсахгүй, ханьсаад урсахгүй гольдролын дунд яах бол?
Рерихийн хөрөг, эгээрэхийн төлгө, аль нь ч надад сонин биш
Ренбрандтын зураг, эрээн бараан сураг, бүгд адилхан, сөгдөх хэрэггүй
Уул минь, уур минь, ууршаад манантах хүсэл минь
Уйтан хийгээд уудам, зурж болохгүй сүм-сэтгэл минь
Учрал минь хагацал минь, алсраад амьсах алдаа минь
Уйлж суугаад дуулахдаа үгийг нь мартсан дуу-зүрх минь
Лаврин үдэш авиран зүдэгч эвий хонгор гунигтай би
Лавран хийдийн уншлагат эдгэхгүй эртний ерөөлт хөндүүртэй би
Эрслэн зорих тэрслэн золих эмзэг зовиурт зүрхээ яалтай
Энэлэн шархирах зэмлэн архирах гэмшил дүүрэн өдрүүдээ яалтай
Рамын уулнаа мөнх оршсон даяанчийн билиг
Рахын сүүдрээс бодол аврахад сэм цэлмэнэм
Дагшин хөдөөд лагшин амирлаж үүлс өргөн шувууд одоход
Дахиад ирэх хаврыг хүлээж уулс урган тэнгэрт тэмүүлнэм
Эндэхийнхэн Тэндэхийнхтэй адилгүй эрвэн сэрвэн зөнтэй
Эдгэж өвдөхийн зуурт мартаж санах зүүдтэй
Нэг дэхийнх нь тав дахийнхтай адилгүй бүгд өөрийн замтай
Нэгдэхийн аргагүй ертөнц мөнх бусын жамтай
Эгээрэм алсын анир гэгээрэм совингоо илгээхэд
Элийрэм холын бодолдоо дүлийрэм чимээгүй дуншнам

5 comments:

hooligan said...

wow very nice!

Сэгсгэр said...

hey Hooligaan, thank you

GBayarmaa said...

Ямар гоё юм бэ.

Сэгсгэр said...

Bayarmaa bagshid: Bagshaa, bi Tuvdiin niitleluudee tanid zoriulsan, Ta umnutguliig n unshsan uu...? Tuvded medremjee aldchihaad yavj bhdaa tanygaa martaagui shuu. Dayarmongol deerh niitleluudiig unshaarai. Ter ued bagsh naryn bayar bsan yum tendehiin.

Anonymous said...

http://dayarmongol.com/index.php?option=com_content&view=article&id=6786:2012-02-02-16-28-10&catid=107&Itemid=132
Hoino garsan ever urt baih yostoi saihaaan. GB