Шавраар цэцэг бүтээж...

Шавраар цэцэг бүтээж
Шаналахдаа навчлуулж
Цонхны цаана ганцаар
Цонхийтлоо тарималжуулж
Өөрийгөө гийгүүлнэ
Өрөөгөө гийгүүлнэ
Өд жигүүртэй хүсэл
Цоожлогджээ

Шавраар сэтгэл бүтээж...

Шавраар сэтгэл бүтээж
Нөмөрт нь хоргодохыг хүслээ
Шалтаггүй их гунигласан минь
Даарсных байж
Бусдыг дуурайж бүтээсэн
Бурхан минь шүтээнтэй төсгүй
Эцсийн эцэст зуурмаг зуурч
Этгээд гунигаа булшилнам

Ахиад л БУЛАНГИЙН ТЭРТЭЭХ НАМАР

Гайхмаар сайхан юм юу ч үгүй
Ганирсан зэлүүд үдшээр нэгэн совин төрнөм
Баяр баясгалант сүүлчийн дуу авиа
Бахардан унахыг сонсох шиг автнам
Энэ магадгүй, миний хайрын оршуулгын
Эмгэнэлт хөгжим дуурсаж дуусаагүй намар байх
Этгээд гуниг яг л навчны араас гашуудсан шиг
Эргэлзэлгүй намайг дагуулж одсон
булангийн тэртээх намар байх