Дурлалын бурхан бяцхан Эрот
Гоо үзэсгэлэнт Афродита энэ ертөнцийг захиран суудаг байлаа. Тэрбээр хүчирхэг Зевсийг буулган авахын тулд хөгжилтэй бяцхан хүүгээ түүн рүү элч болгон илгээв. Алтан жигүүрээ дэлгэн хуй салхи мэт нисэх тэр бяцхан элчийн гарт алтан сум атгаастай, мөрөнд нь нум зүүлттэй. Түүний онилсон сумнаас мултарч гарсан хүн нэгээхэн ч үгүй. Түүнд оногдсон хүмүүс зүрх сэтгэлийн зовлон шаналал эдлэхийг харсан бяцхан Эрот баярлан инээж нүд нь гэрэлтэн ихэмсгээр нисэн оддог байв. Ийнхүү Эрот нэгэн удаа Зевс Апполон хоёрыг мөнөөх гайт сумаараа харван онож орхисон аж. Хайрын гашуун зовлонг зүрхээрээ мэдрэн шаналсан Зевс "Энэ бол Афродитагийн зальт хүүгийн хийж буй нүгэл" гэдгийг ч мэдэж байлаа. Зевс нэгэнтээ түүнийг хөнөөхийг хүсэж байсан билээ. Гэвч гоо үзэсгэлэнт Афродита нялх бяцхан хүүгээ түнэр харанхуй ойн гүнд нууж өөрийнхөө тэжээсэн хоёр хунгийн сүүгээр тэжээж байв. Эхийн сүү хөхөлгүй хунгийн сүү ууж өссөн болохоор Эротод нинжин сэтгэл бий болоогүй юм. Иймээс тэр энхрий ялдам харвалтаараа газар дэлхийд аз жаргал зовлон гунигийг хамтад нь авчирдаг болжээ. Мөн энэ цагаас эхлэн хун шувууг дээдлэн хайр дурлалын ариун шүтээн болгосон түүхтэй. Эротын суманд оногдсон хэн боловч ертөнцийн баяр баясгалан хийгээд уйтгар гунигийг зүрхний угаас мэдэрдэг ажээ. Энэ бол хайрын амт юм. Одоо ч гэсэн Эрот та бидний дээгүүр эргэлдэн нисч шидэт сумаа онилсоор байгаа гэнэ лээ шүү
2 comments:
sumand ni onogdood yg odoo bi setgeldee doglon nulimstai gantsaaraa hairtaa tuuniigee bodon shanalj suuna. harin erot hairtiig mini harwahdaa hajuud ni bsn bas neg busguitei hamtad ni onochihson bolotoi...
Setgegdlee uldeesend bayarlalaa. Chi negent ter sumand onogdson bolohoor ahmad daichny yosoor shine sharhtanuudad halamj uzuulbel yasan yum be gej bodloo. Hun etssiin etsest hair halamj ruu l butsaj irdeg shuu dee. Ene bol hairyn amt yum.
Post a Comment